Fundasaun Roman Foun ba Futuru servisu hamutuk ho Secretario Estado Ambiente RDTL hahu implementa projetu protesaun ambiente, liuliu ba area inundasaun no bee matan iha Suco Hatuquesi, Posto Liquica, Municipio Liquica. Programa ida ne'e realiza hahu realiza durante fulan neen, husi fulan 2 Febreiru to 12 Agusto 2014.
Projetu protesaun meio ambiente ne'e hetan apoiu husi Secretario Estado Ambiente ho total osan $ 15,000.00 liu husi fundus transferensia publiku. Fundu ne'e rasik sei aloka ba hola ai-oan (viveiros), distribui, kuda viveiros, halo manutensaun no prosesu kontinuasaun ne'ebe sei jere rasik husi komunidade.
Ojetivu husi orsamentu ida ne'e atu apoiu Fundasaun Roman Foun ba Futuru hodi halo aktividade protesaun ba area inundasaun no protesaun ba metan, nune'e bele reduz desastre naturais no bele preserva bee-matan ne'ebe komesa maran. Aktividade protesaun ne'e liu husi aktividade ai-oan ne'ebe iha potensia atu bele tahan bee no rai halai. Ai sira ne'e mak hanesan kulu, haas, rambutan, duku, kamii, nsst.
Tuir programa, ai-oan hirak ne'e sei kuda iha area bee-matan ho radius 1 hektar no kuda iha area inundasaun ho total radius 2-3 hektares.
(reporter:LJ)
No comments:
Post a Comment