Apoiu Programa Holtikultura no Beternaria ba Komunidade Vatuvoro

Fundasaun Roman Foun ba Futuru servisu hamutuk ho MCIA liu husi fundu tranferensia publiku fo apoiu ba Komunidade Rural iha Produsaun Holtikultura no Beternária, Suco Vatuvoro, Posto Liquica, Municipio Liquica. Programa ida ne'e sei realiza durante fulan 6 hahu husi fulan Abril to'o fulan Novembro 2015. 

Programa ne'e nia ojetivu atu tulun no apoiu komunidade iha Suco Vatuvoro, liuliu agricultor no veternaria sira hodi hasae sira nia rendimentu ekonomia. Aktividade ne'e atu promove no motiva komunidade sira hodi dezenvolve sira agricultura, liuliu iha area holtikultura hanesan halo kantredu no kuda modo. Nune'e, programa ida nee fo apoiu ba komunidade hodi hasae sira nia rendimentu liu husi hakiak animal hanesan, bibi, fahi, manu no karau. 

Director Fundasaun Roman ba Futuru hateten katak, programa ida ne'e hetan apoiu fundu ho total US$ 55,450.00. Orsamentu ida ne'e sei apoiu aktividade prinsipal sira hanesan fornesimentu animal no fornesimentu bibit ba holtikultura nian. Iha programa ne'e, NGO sei fasilita agricultor sira ho formasaun intensivu, liu kona-ba holtikultura no hakiak animal. 

Programa ne'e rasik sei hahu iha fulan Abril no sei remata iha fulan Novembro 2015. Durante implementasaun, NGO Roman Foun ba Futuru sei servisu hamutuk ho Departemento Agricultura Municipio Liquica hodi halo monitorizasaun no evaluasaun ba output / resultadu husi aktividade refere.