Fundasaun Roman Foun ba Futuru servisu hamutuk ho ASADIL (Assosiasaun Apoiu Dezenvolvimentu Liquica) realiza formasaun no kapasitasaun TOT (Training of Trainer) ba Joventude Suco sira iha Municipio Liquica, loron 3-6 Marco 2014. Formasaun ida ne'e hanesan programa regular ne'ebe Fundasaun Roman Foun ba Futuru halo hodi dezenvolve no kapasita jovens sira hodi dezenvolve sira nia kapasidade.
Diretor Roman Foun ba Futuru, Sr. Francelino de Jesus informa katak, formasaun ida ne'e hanesan programa pakote ida iha area edukasaun. Francelino dehan, "Programa ida ne'e nia ojetivu prinsipal mak atu apoiu jovens sira, liuliu kapasita sira nia profesionalismu hodi bele partisipa iha prosesu dezenvolvimentu nivel munisipal. Jovens sira ne'e bele uza skill ne'ebe iha hodi kompete iha campo de trabalho, nune'e bele kontribui ba prosesu apoiu dezenvolvimentu ba baze".
Programa ne'e rasik realiza husi kooperasaun hamutuk entre Fundasaun Roman Foun ba Futuru serbisu hamutuk ho ASADIL ho auto-fundu. Programa hanesan sei kontinua ba Posto seluk iha Munisipiu Liquica hanesan Posto Maubara no Posto Bazartete. (LJ)
No comments:
Post a Comment