Apoiu Programa Holtikultura no Beternaria ba Komunidade Vatuvoro

Fundasaun Roman Foun ba Futuru servisu hamutuk ho MCIA liu husi fundu tranferensia publiku fo apoiu ba Komunidade Rural iha Produsaun Holtikultura no Beternária, Suco Vatuvoro, Posto Liquica, Municipio Liquica. Programa ida ne'e sei realiza durante fulan 6 hahu husi fulan Abril to'o fulan Novembro 2015. 

Programa ne'e nia ojetivu atu tulun no apoiu komunidade iha Suco Vatuvoro, liuliu agricultor no veternaria sira hodi hasae sira nia rendimentu ekonomia. Aktividade ne'e atu promove no motiva komunidade sira hodi dezenvolve sira agricultura, liuliu iha area holtikultura hanesan halo kantredu no kuda modo. Nune'e, programa ida nee fo apoiu ba komunidade hodi hasae sira nia rendimentu liu husi hakiak animal hanesan, bibi, fahi, manu no karau. 

Rehabilitasaun Eskola Ensino Básiku No 21, Suco Vatuvoro,

Fundasaun Roman Foun ba Futuru, liu husi Fundu Dezenvolvimentu Integradu Ministerio Edukasaun halo rehabilitaaun ba Eskola Ensino Basiku No 21 iha Suco Vatuvoro. Programa ida ne'e hanesan programa komunitaria hodi apoiu fasilitadade edukasaun ba komunidade no alunos iha area refere. 

Programa rehabilitasaun ne'e komesa hahu iha loron 12 Agusto 2014 ho total orsamentu hamutuk US$ 121,870.00. Iha prosesu konstrusaun no rehabilitasaun ne'e inklui halo sala 3, sentina haat no fornese material eskritoriu, kadeira no meja ba alunos sira. NGO Roman Foun ba Futuru mos sei koordena hamutuk ho Professores no Conselho dos Pais atu bele koalia hamutuk kona-ba prosesu manutensaun ba eskola refere hafoin intrega ba eskola. 

Formasaun no Kapasitasaun ba Joventude

Fundasaun Roman Foun ba Futuru servisu hamutuk ho ASADIL (Assosiasaun Apoiu Dezenvolvimentu Liquica) realiza formasaun no kapasitasaun TOT (Training of Trainer) ba Joventude Suco sira iha Municipio Liquica, loron 3-6 Marco 2014. Formasaun ida ne'e hanesan programa regular ne'ebe Fundasaun Roman Foun ba Futuru halo hodi dezenvolve no kapasita jovens sira hodi dezenvolve sira nia kapasidade. 

Aktividade Protesaun Ambiente iha Municipio Liquica

Fundasaun Roman Foun ba Futuru servisu hamutuk ho Secretario Estado Ambiente RDTL hahu implementa projetu protesaun ambiente, liuliu ba area inundasaun no bee matan iha Suco Hatuquesi, Posto Liquica, Municipio Liquica. Programa ida ne'e realiza hahu realiza durante fulan neen, husi fulan 2 Febreiru to 12 Agusto 2014.

Projetu protesaun meio ambiente ne'e hetan apoiu husi Secretario Estado Ambiente ho total osan $ 15,000.00 liu husi fundus transferensia publiku. Fundu ne'e rasik sei aloka ba hola ai-oan (viveiros), distribui, kuda viveiros, halo manutensaun no prosesu kontinuasaun ne'ebe sei jere rasik husi komunidade.